Gruaja
Heidi Lushtaku, një bukuroshe pa kufij
Finalistja e “Miss Zvicra 2013”, me origjinë kosovare, Heidi Lushtaku, mbërriti në Zvicër në moshën 7-vjeçare dhe zhvillon një karrierë të dyfishtë të modelimit në vendlindje dhe në vendin e saj pritës. Kështu shkruan gazeta frankofone “migrosmagazine.ch”.
Zemra, mes dy vendeve
Heidi Lushtaku me profesion manekine ka një emër dhe mbiemër që ilustron shumë mirë historinë e saj, thotë gazeta migrosmagazine . Heidi gëzon shtetësinë zvicerane dhe është me origjinë shqiptare, përcjell albinfo.ch. Ajo ka emigruar që nga fëmijëria, duke u nisur nga Kosova për të arritur në kantonin e Vaud-it, bashkë me prindërit e saj, vëllain dhe shtatë motra …. Finalistja e Mis Zvicrës 2013 mori pjesë edhe në “Dancing with the Stars”, në versionin shqip. “Është pjesë imja dhe besoj se jam shumë me fat që kam origjinë kosovare dhe që jam zvicerane”.
Heidi pranon se gjatë periudhës së kampionatit evropian të futbollit ndeshja Zvicër-Shqipëri nuk ishte e lehtë për të menaxhuar: “Sinqerisht unë doja që më të mirët të fitojnë. Ishte shumë bukur të shohësh në stadium përzierën e tifozëve të dy ekipeve”.
“Kur unë shkoj atje, dhe pastaj kthehem në Zvicër, unë diej se kthehem në shtëpi”. Dhe Heidi nuk ngurron të pohojë se ndjehet “shumë krenar që jep një imazh të mirë të Ballkanit”.
Nëse përvoja Mis Zvicra i mundësoi asaj të bëhet më e njohur, Heidi nuk kishte pritur këtë rast për t’u bërë manekine, Ajo filloi karrierën e saj që nga mosha 13-vjeçare, përcjellë albinfo.ch. Një profesion që tani zhvillon tërë kohën e saj pas formacionit të saj si asistente dentare.
“Nuk dua të peshoj më pak se 55 kg. Unë jam një modele komerciale, jo një modele që thjesht lëviz dhe duhet të veshë rroba si një hallkë”.
Një ditë me Heidi Lushtakun
9:00 h: Në rrjetet sociale “Unë përpiqem të jem shumë e pranishme në Facebook dhe Instagram. Unë postoj fotografi mjaft rregullisht, por shumë pak të jetës sime private, dhe vetëm nëse kjo ka kuptim. Unë nuk postoj fotografi vetëm për të treguar se ku jam dhe më kë jam. Përpiqem të mos jem skllave e Facebook-ut. Unë përdor Facbook-in, dhe ja ai mua”.
13:00 h: Ushqim vegan. “Jam shumë e ndjeshme për të mbrojtur planetin, respektin për kafshët. Jam bërë vegjetariane që disa muaj dhe vegane qe disa javë. Është pak e komplikuar, por ishte e nevojshme për të qenë besnike me bindjet e mia. Dhe kjo është edhe një çështje e shëndeti. Kurrë nuk jam ndier kaq në paqe me vetveten”.
17:00 h: Roller: “Shpesh shkoj me “rollera”. Përpiqem t’i praktikoj në vende të përshtatshme. Në rrugë ku ka makina, unë mendoj se është mjaft e rrezikshme. Njerëzit mendojnë se mund të ndalesh kur të duash, por në të vërtetë nevojitën ca sekonda të paktën… ”
18:00 h: “Në liqen, pishinë, çfarëdo. Lahem ku është e mundur. Kam kaluar gjithë verën në breg të detit: Saint-Tropez, Mykonos dhe Ibiza. Vende ku unë shkova në të njëjtën kohë për të punuar, por edhe për pushime”.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla