Holanda në gjysmëfinale, pasi mposhti Turqinë

UEFA EURO 2024 @EURO2024, X

Autogoli i Mert Muldurit në minutën e 76-të e ka dërguar Holandën në gjysmëfinale të Kampionatit Evropian.

Holanda fitoi me rikthim të rezultatit 2:1 në ndeshjen dramatike ndaj Turqisë të shtunën mbrëma në Berlin.

Cody Gakpo ishte shumë afër që ta shënonte golin e katërt të turneut, por topin në portën e gabuar e shtyu Muldur, që i dha epërsinë holandezëve.

Ndeshja ishte dramatike nga fillimi.

Turqia kaloi në epërsi e para në minutën e 35-të, me golin e shënuar nga qendërmbrojtësi Samet Akaydin.

Por, qendërmbrojtësi i Holandës u kundërpërgjigj me gol të shënuar me kokë po ashtu, në minutën e 70-të.

Holanda do të ballafaqohet në gjysmëfinale me Anglinë.

Gjysmëfinalja Holanda – Anglia do të luhet në stadiumin “Signal Iduna Park” në Dortmund. Fituesi i këtij ballafaqimi do të luajë kundër Spanjës apo Francës në finale. Franca e Spanja luajnë të martën mbrëma.