Hotjanët blejnë minibus për shkollarët e vegjël në vendlindje

Mërgimtarët nga Hoti i Plavës përmbyllen një aksion të suksesshëm për nxënësit e shkollës së Plavës.

Duke parë nevojën e domosdoshme për t’ua lehtësuar shkollimin vogëlushëve tanë në vendlindje në Hot dhe vendbanime shqiptare filluam një fushat për grumbullimin e parave për blerjen e një minibusi, i cili do të jetë në shërbim të nxënësve që po rriten në vendlindje. Ky aksion u përmbyllë me sukses ku nuk mungoi për asnjë çast zemërgjerësia dhe humanizmi si virtyt i rrallë ky i dëshmuar i trevës tonë, thuhet në njoftimin në rrjetet sociale.

Ceremonia e dorëzimit të minibusit u bë më 23 janar 2019 në Plavë ku përfaqësuesesi i Këshillit Iniciues nga Nju Jorku në vendlindje Ibër Hoti njëherësh edhe këshilltar i vetëm shqiptar në asamblenë e Plavës bëri dozimin e minibusit drejtorit të shkollës se Plavës, Igor Vukliq, përcjell albinfo.ch.

Ky minibus dhuratë e Hotjnve nga mërgata në SHBA do të jetë në dispozicion të nxënëseve ekskluzivisht në relacionin Plave-Hot dhe Plavë- Hakaj.

“Si dikur baballarët tanë që u flijuan për Plavë e Guci edhe ne bijtë e atyre trevave kreshnikësh edhe pse jemi në mërgim si rrjedhojë e politikave antishqiptare, vendlindjen për asnjë çast nuk e harrojmë”, thuhet tutje në njoftimin e publikuar në rrjetet sociale.