Lajme
Humb jetën kosovari në aksidentin e rëndë të trafikut, në Valis
Kosovari 47 vjeçar po drejtonte furgonin në mënyrë korrekte kur është goditur nga një makinë që kishte hyrë në korsinë e gabuar
![](https://www.albinfo.ch/wp-content/uploads/2023/06/aksidenti-wallis-587x379.jpg)
Në përplasjen kokë më kokë mes një furgoni (kombibusi) dhe një makine në Valiss, një person ka humbur jetën të premten, një tjetër është lënduar rëndë dhe një i tretë, ka marrë lëndime të lehta, transmeton albinfo.ch. Aksidenti në drejtim të Grosser St. Bernhard ndodhi për shkak se makina po vinte në korsinë e kundërt, të gabuar.
Me gjithë ndërhyrjen e shpejtë të ekipeve të shpëtimit, drejtuesi i furgonit ka ndërruar jetë nga lëndimet e rënda në vendin e aksidentit, ka njoftuar të shtunën policia e kantonit Valis, shkruan sda.ch.
Pak pas orës 17:00, një person 66 vjeçar nga Kantoni Valis po nguiste makinën e tij në Route du Grand St. Bernard nga Martinach në drejtim të lokalitetit Sembrancher.
Për arsye që ende nuk dihen, automjeti i tij ka hyrë në korsinë e kundërt dhe është përplasur kokë më kokë me një furgon transporti që po lëvizte me korrektësi në drejtim të lokalitetit Martinach.
Personi i vdekur është një kosovar 47 vjeçar me banim në rajon i cili drejtonte furgonin.
Pasagjeri i tij, një 53 vjeçar po ashtu nga Valisi ka pësuar lëndime të rënda dhe është dërguar në spitalin e Sionit, përcjell albinfo.ch. Drejtuesi i mjetit të pasagjerëve ka mbetur i lënduar lehtë. Për shkak të aksidentit rruga ka mbetur e mbyllur deri në orën 22:40.
(Foto: KAPO Wallis)
Të ngjashme
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n