Lajme
Humbin jetën tre të rinj në një aksident trafiku në kantonin St.Gallen
Sipas policisë së kantonit të St.Gallenit, dy të rinj ishin tashmë të vdekur kur kishin arritur punonjësit e shpëtimit në vendin e aksidentit
Në një aksident trafiku në Niederuzwil, St. Gallen, gjatë natës së mbrëmshme kanë humbur jetën tre të rinj.
Policia bën të ditur se një makinë ka dalë nga korsia mbrëmjen e së premtes në orën 23:30 në Bahnhofstrasse të Niederuzwil-it, shkruan srf.ch. Ajo ka kaluar trotuarin në të djathtë, është përplasur në një barrierë mbrojtëse dhe është ngritur në ajër. Pasi ka fluturuar disa metra në ajër, ajo është përplasur në një mburojë të përroit, transmeton albinfo.ch. Makina më pas është përmbysur dhe ka rrëshqitur përgjatë një parkingu, ku më në fund është ndalur.
Ekspertët po merren me rrethanat e aksidentit
Sipas policisë së kantonit të St.Gallenit, dy të rinj ishin tashmë të vdekur kur kishin arritur punonjësit e shpëtimit në vendin e aksidentit. Reanimimi i menjëhershëm i një personit të tretë u desh të ndërpritet pai mjekët konstatuan edhe vdekjen e tij. Një vajzë 20-vjeçare e lënduar është dërguar në spital nga mjekët.
Një 16-vjeçare ka marrë ndihmën e parë nga shërbimi i shpëtimit dhe më pas është dërguar në spital nga Rega. Tre shtetasit zviceranë të vdekur ishin nga 19 deri në 22 vjeç dhe jetonin në kantonin St.Gallen, përcjell albinfo.ch. Sipas policisë së kantonit, nuk është e qartë nëse të gjithë të përfshirë në aksident ishin në makinë apo në parking.
Zyra e prokurorit publik ka ngarkuar specialistë të ndryshëm nga policia kantonale e St.Gallenit për të analizuar provat dhe për të hetuar rrethanat e aksidentit.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?