Humbje e Shqipërisë nga Skocia

Keystone

Skocia ka mposhtur sonte në Glasgou kombëtaren kuqezi me rezultat 2:0 (0:0).

Ndërkohë që  pjesa e parë përfundoi pa gola, pavarësisht rasteve për shënim nga vendësit, dhe një goli të anuluar për shkak të pozitës jashtë loje, Skocia në pjesën e dytë erdhi shumë shpejt në epërsi prej 1:0 kur Xhimshiti shënoi autogol. Pas golit të pësuar, Balaj ka mundur të barazojë shifrat, por goditjen e tij portieri McGregor me mjaft mund e dërgoi në korner. I njëjti lojtar pati sërish rast të mirë për shënim në minutën 66, por goditja e tij e fuqishme ishte e pasaktë. Naismith në minutën 67 shënon edhe golin e dytë për skocezët, duke mposhtur portierin Strakosha.

Ndeshja, me një epërsi të dukshme të Skocisë, përfundoi me rezultatin 2 me 0 për skocezët.