Jeta në Zvicër
Ia shkarravitin ballkonin për 3.500 franga
Për punë e tyre, të cilën do ta fillonin menjëherë dhe do ta kryenin të nesërmen, ata kanë kërkuar shumën prej 3.500 frangash. Nën presionin psikik të të panjohurve, pensionisti madje u dha një mijë franga depozitë
Të martën, më 22 maj të këtij viti, dy të panjohur janë lajmëruar tek një çift i moshuar zviceran, duke i bindur t`ua ngjyrosin ballkonin me çmim shumë të lirë. Me këtë rast, personat në fjalë e kanë shfrytëzuar besimin e pensionistëve në mënyrë të turpshme. Mirëpo, policia e Winterthurit ka arritur t’i arrestojë të dy personat nga Franca.
Pasditen e së martës, dy shtetas francezë kanë trokitur në derën e një çifti të moshuar zviceranë, në Deutweg. Dy të panjohurit i kanë ofruar çiftit zviceran me probleme të mëdha dëgjimi, t’ua ngjyrosin ballkonin. Për punë e tyre, të cilën do ta fillonin menjëherë dhe do ta kryenin të nesërmen, ata kanë kërkuar shumën prej 3.500 frangash. Nën presionin psikik të të panjohurve, pensionisti madje u dha një mijë franga depozitë.
Pas një kohe të caktuar të punimeve, por pa rezultat të dukshëm, të panjohurit u kthyen përsëri, njofton policia, transmeton Albinfo.ch.
Mirëpo, çifti ishte i dyshimtë se bëhej fjalë për mashtrim, prandaj çështjen e debatoi me të mbesën. Ajo menjëherë e kuptoi situatën dhe rastin e paraqiti në polici.
Në momentin që të dy të panjohurit u paraqitën të mërkurën, siç e kishin caktuar terminin, ata u arrestuan nga policia e Winterthurit. Hetimet e para kanë dëshmuar se dy francezët e moshës 19 dhe 39-vjeçare e kanë shfrytëzuar moshën dhe besimin e pleqve.
Hetimet e mëtutjeshme gjithashtu kanë dëshmuar se ata nuk kanë qenë të pajisur me certifikatë të nevojshme për të ushtruar këtë profesion. Për këtë arsye, ata i janë dorëzuar Prokurorisë për procedurë të mëtutjeshme.
Me këtë rast, policia i këshillon të gjithë që të mos oranojnë oferta të tilla mashtruese.
E-Diaspora
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Zvicër
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
122 politikanë, viktima të spiunazhit kinez, përfshirë zviceranët
-
Dritat veriore mbi qiellin zviceran
-
19-vjeçarja zvicerane bën një zbulim spektakular, nderohet me çmim special
-
Ja sa janë rritur fitimet e shefave të sigurimeve shëndetësore në Zvicër