Lajme
Ja sa janë rritur fitimet e shefave të sigurimeve shëndetësore në Zvicër
Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin e bordit të drejtorëve dhe menaxhmentit
Më 9 qershor, Zvicra do të votojë për dy propozime për sigurimet shëndetësore. Mjekët, spitalet, kompanitë e sigurimeve shëndetësore dhe prodhuesit e barnave aktualisht po debatojnë se kush mban përgjegjësinë kryesore për barrën gjithnjë në rritje të primeve.
Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin (pagat dhe bonuset) e bordit të drejtorëve dhe menaxhmentit.
Gazeta “SonntagsBlick” ka analizuar se si ka ndryshuar shkalla e shpërblimit që atëherë: Kështu, kompania Groupe Mutuel, për shembull, ka paguar drejtorin e saj të përgjithshëm 520,200 franga në vitin 2016 – duke përfshirë bonuset dhe kontributet e sigurimeve shoqërore, transmeton albinfo.ch. Në vitin 2022, shefi i lartë mori 783,300 franga. Një rritje kjo prej rreth 50 për qind brenda pak viteve.
CEO i kompanisë tjetër, asaj Sanitas ka fituar plot 955,200 franga në vitin 2023, një shifër absolutisht më e lartë krahasuar me bosët e tjerë të kompanive të sigurimeve shëndetësore. Në vitin 2016, për këtë pozicion është paguar 663,300 franga.
Kryetari i Bordit të Drejtorëve të kompanisë së sigurimeve Helsana, nga ana e tij, ka marrë 200,800 franga për postin e tij në vitin 2016, dhe pothuajse 290,000 franga për të njëjtën punë në vitin 2023. Shembuj të ngjashëm mund të gjenden edhe te CEO-t në spitale.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Përmbledhje e lajmeve nga Zvicra për të cilat duhet të dini këtë javë Ngadalësia e trenave të Zvicrës dhe pagat e punëtorëve të huaj janë ndër lajmet kryesore për...
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)
-
Zvicra po përballet me kritika për mungesën e ndihmës financiare për Ukrainën
-
Komiteti i parlamentit zviceran propozon trefishimin e taksave për studentët e huaj