Shkurt.ch

Incident në aeroportin e Bazelit

Incidenti ndodhi të martën në mes të orës 8:25 dhe 10:00, kur aeroporti ishte shumë i frekuentuar.

Mëngjesin e së martës, në Euro-Aeroportin e Bazelit asgjë nuk u zhvillua për një orë e gjysmë. Dymbëdhjetë fluturime u prekën. Arsyeja ishin dy rumunë, të cilët kishin lënë bagazhin e tyre sepse kanë dashur të merrnin të holla në Bazel. Ata mund të përballen me një gjobë prej 750 euro.

Alarm në Euro-Aeroportin e Bazelit: Për shkak se policia franceze kufitare dhe ushtarët që patrullojnë në kontekst kundër-terrorizmit, kanë dyshuar në një sulm, janë evakuuar tre salla të fluturimeve binacionale, raportojnë gazeztat franceze, përcjell Albinfo.ch. Incidenti ndodhi të martën në mes të orës 8:25 dhe 10:00, kur aeroporti ishte shumë i frekuentuar.

Shkaku kanë qenë dy rumunë, të cilët deklaruan se kanë shkuar në Bazel për të tërhequr të holla në një bankë, pasi nuk kanë pasur mjaftueshëm të holla për të blerë biletat.
Sipas EAP, aktivitetet në aeroport kanë mundur të rifillojnë në ora 10.05. Nga ky incident janë prekur dymbëdhjetë fluturime. Relacionet e prekura janë Sofja, Antalia, Tel Aviv-Yafo, Frankfurt, Londër Heathrow, Barcelona, ​​Copenhagen, Budapest, Brindisi dhe dy herë Palma.

Policia franceze tha se dy rumunët kanë shkelur disa dispozita ligjore dhe kërcënohen me një gjobë prej 750 eurosh.