Lajme
Inflacioni në Eurozonë bie në 2.9%
Norma e inflacionit të Eurozonës ka rënë në 2.9% nga 4.3% në shtator – norma e saj më e ulët në më shumë se dy vjet.
Ndërsa analistët kishin pritur që norma të qëndronte mbi 3%, përkundrazi është më afër objektivit prej 2% të Bankës Qendrore Evropiane (BQE), shkruan DW.
BQE rriti normat e interesit për të dhjetën herë radhazi në shtator për të luftuar rritjet historike të çmimeve në bllokun e monedhës së përbashkët 20-vendesh.
Por, shenjat e dobësisë në ekonomi, si dhe presionet në rënie të çmimeve e shtynë BQE-në të lërë të pandryshuara normat e interesit këtë muaj, hera e parë që normat mbahen të pandryshuara që nga korriku 2022, përcjell albinfo.ch.
Inflacioni i Eurozonës arriti kulmin e tij prej 10.6% në tetorin e vitit të kaluar pas pushtimit rus të Ukrainës, i cili shkaktoi rritje spirale të çmimeve të energjisë.
Ndërkohë, rritja ekonomike në bllok u tkurr me 0.1% gjatë periudhës korrik-shtator, duke shënuar një rritje modeste prej 0.2% në tremujorin e dytë.
Fushata e BQE-së për rritjen e normave dhe performanca e dobët e ekonomisë së saj më të madhe, Gjermanisë, kontribuan në tkurrjen, shkruan DW.
Gjermania është goditur rëndë nga kostot e larta të energjisë, një sektor i ngadaltë i prodhimit dhe normat e larta të interesit. Franca, qendra e dytë më e madhe ekonomike e BE-së, u rrit vetëm me 0.1%, dhe ekonomia e Italisë ngeci në tremujorin e tretë, treguan të dhënat.
Të dhënat e Eurostat treguan se Austria shënoi tkurrjen më të fortë në bllok, me 0.6%, përcjell albinfo.ch.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore