Lajme

Instituti i Shëndetit Publik: Tri javët e ardhshme, kritike në luftën kundër pandemisë

Naser Ramadani nga Instituti Kombëtar i Shëndetit Publik ka thënë se tri javët e ardhshme janë kritike të shpërthimit të rasteve me COVID-19.

Ai u bëri thirrje qytetarëve të qëndrojnë në shtëpi, të mbajnë higjinenën personale dhe t’iu përmbahen rekomandimeve të institucioneve të Kosovës.

Ramadani tha se qytetarët duhet të mbajnë distancë fizike prej dy metrash, në mënyrë që të parandalojnë përhapjen e virusit.

“Apeloj që këto tri javë të mos tubohen, të qëndrojnë në shtëpi, sepse do të kalojë sa më lehtë që është e mundur nëse u përmbahen rekomandimeve të Institutit të Shëndetësisë”, tha Ramadani.

Ai këto komente i bëri në një konferencë për media në Prishtinë.

Numri i përgjithshëm i të infektuarve në Kosovë është 135, përcjell Albinfo.ch.