Autotech
iPhone-t më të mëdhenj dhe më të shtrenjtë në histori
“XS Max” është versioni më i madh deri më sot i një “iPhone” dhe një ndër më të mëdhenjtë në tregun e telefonisë celulare, me një ekran prej 6.5 inch apo 16.5 cm, që do të nisë të shitet nga 1.099 dollarë deri në 1.500 dollarë
Kompania “Apple” prezantoi produktet e saj më të reja “iPhone”, më të mëdhatë ndonjëherë dhe më të shtrenjtët, por edhe një orë dore që sinjalizon problemet me zemrën, mbrëmjen e së mërkurës në “Steve Jobs Theaters”.
Synimi i kompanisë ishte t’u ofronte klientëve pajisjet më të përditësuara dhe më të zhvilluara ndonjëherë, edhe pse më të shtrenjta, në një kohë stanjacioni kërkesash globale për “smartphone”.
Ndryshimet relativisht të vogla në pamje, pas versionit të mbivlerësuar “iPhone X” të vitit të kaluar, ishin të pritshme nga investitorët. Strategjia duket se ka rezultuar e suksesshme, duke ndihmuar aksionet e “Apple” të rriten me më shumë se 30 për qind këtë vit, e duke e bërë atë kompaninë e parë të listuar në bursat amerikane që kap një vlerë tregu prej 1 trilion dollarësh, shkruan “TCH”.
Njëri prej produkteve më të rinj të “Apple”, “iPhone XS” i quajtur edhe si “Ten S” ka një ekran 5.8 inch apo 14.7 cm dhe pritet të shitet nga 999 dollarë minimumi deri në 1.100 dollarë, përcjell albinfo.ch.
“XS Max” është versioni më i madh deri më sot i një “iPhone” dhe një ndër më të mëdhenjtë në tregun e telefonisë celulare, me një ekran prej 6.5 inch apo 16.5 cm, që do të nisë të shitet nga 1.099 dollarë deri në 1.500 dollarë.
“Më në fund ata mundën të nxjerrin një telefon me ekran më të madh. Tashmë ata mund të konkurrojnë drejtpërdrejt me produktet Galaxy Note 9”, tha analistja Annette Zimmermann, e pranishme në eventin e zhvilluar në selinë e “Apple” në Silicon Valley, duke iu referuar kështu rivalit të Samsungut, që ka përcaktuar i pari trendin drejt telefonave me ekran më të mëdhenj.
“Ekrani më i madh do të jetë i rëndësishëm veçanërisht për tregun kinez, për të kthyer trendin atje, sepse nga ai treg kanë shënuar humbje në shitje gjatë viteve të fundit pjesërisht për shkak të përmasave të ekranit”, shtoi ajo.
“Apple” prezantoi edhe versionin “low cost” të prurjeve të reja, një “iPhone XR” me ekran 6.1 inch ose 15.5 cm, prej alumini dhe që do të nisë shitjet nga 749 dollarë.
Meqenëse dy prej produkteve risi fillojnë nga 999 dollarë e më shumë në Shtetet e Bashkuara, “Apple” duket se po përfiton nga avantazhi i një ekonomie amerikane të fuqishme, me papunësi të ulët dhe rritje të mirëqenies familjare.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor