Lajme
Rrëzohet një aeroplan ukrainas në Iran, humbin jetën 176 persona
Të dhënat e fluturimit tregojnë se një avion ukrainas 737-800 që operonte nga Ukraine International Airlines, u ngrit nga aeroporti të mërkurën në mëngjes dhe pothuajse menjëherë e ndali dërgimin e të dhënave
Informacionet e fundit tregojnë se aeroplani Boeing-737 i Ukrainës është rrëzuar në Iran. Ai kishte më shumë se 170 njerëz në bord.
Po ashtu, është bërë e ditur nga Gjysmëhëna e Kuqe e Iranit se nuk ka asnjë shans për të gjetur të mbijetuar. Avioni që i përkiste UIA (Linjës Ajrore Ndërkombëtare të Ukrainës) u rrëzua menjëherë pas ngritjes nga aeroporti iranian “Imam Homeini” në Teheran, tha agjencia e lajmeve shtetërore Fars.
Raportet paraprake sugjerojnë se avioni ishte në rrugë drejt kryeqytetit ukrainas, Kiev.
Nga ana tjetër, presidenti i Ukrainës, Volodymyr Zelenskiy, tha se askush nuk ka mbijetuar.
“Ngushëllimet më të sinqerta për të afërmit dhe miqtë e udhëtarëve dhe pjesëtarëve të ekuipazhit”, tha presidenti Zelenskiy në një deklaratë, duke shtuar se Ukraina po punon për të marrë vesh rrethanat e rrëzimit të aeroplanit”, tha ai.
Ndërkohë, të dhënat e fluturimit tregojnë se aeroplani u ngrit nga aeroporti të mërkurën në mëngjes dhe pothuajse menjëherë e ndali dërgimin e të dhënave, sipas faqes së internetit FlightRadar24
Tre britanikë dhe 73 kanadezë ishin në mesin e 176 personave që kanë gjetur vdekjen në një aeroplan pasagjerësh ukrainas i cili u rrëzua pranë Teheranit në orët e para të mëngjesit të sotëm.
Sipas mediave të huaja, aeroplani Boeing 737 u rrëzua vetëm tre minuta pas ngritjes nga Aeroporti Ndërkombëtar Imam Khomeini, vetëm disa orë pasi Irani nisi një sulm raketor në bazat amerikane në Irak.
Ambasada e Ukrainës në Teheran raportoi se përplasja ishte shkaktuar nga një dështim i motorit dhe jo nga terrorizmi.
Zyrtarët iranianë thanë se piloti kishte humbur kontrollin e aeroplanit Boeing pasi një zjarr goditi njërin prej motorëve të aeroplanit, por thanë që ekuipazhi nuk kishte raportuar një emergjencë dhe se çfarë e shkaktoi zjarrin. /Albinfo.ch.
Të ngjashme
Të tjera nga Lajme
E-Diaspora
-
“Dardania” nga Winterthuri shkëlqen në festivalin “Hasi Jehon 2024” Nata e tretë ishte radha e SHKA “Dardania”, edhe atë e fundit...
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
Jeta në Zvicër
-
Procedura 24 orëshe – 40 për qind më pak kërkesa për azil Kërkesat për azil nga shtetet e Magrebit dhe Libia ranë me rreth 40 për qind në...
-
Zvicër: Azilkërkuesit e mitur sulmojnë njëri-tjetrin me thika
-
Gjeneva do të votojë për ndalimin e simboleve të urrejtjes
-
Edhe 56-vjeçarët duan t’i bashkohen policisë së qytetit të Cyrihut
-
Pensioni i 13-të i AHV mund të paguhet përnjëherë në fund të vitit