Integrimi

ISEAL organizon “Ditën e dyerve të hapura”

Të mërkurën, më 27 maj Instituti për Studime Shqiptare në Zvicër (ISEAL) mban "Ditën e Dyerve të Hapura". Aktiviteti mbahet nga ora 14.00 deri në orën 19.00.

 

Pjesë e kësaj pasditeje është vizita në lokalet e reja të institutit, ku pastaj do të jepen informacione lidhur me projektet e deritashme dhe ato në të ardhmen që ka ky institut.

Në program është paraparë edhe një intermexo muzikore dhe në fund një apero për mysafirët e ISEAL-it.

Instituti në fjalë është themeluar në vitin 2011 dhe e ka selinë Lozanë. Në fushën e veprimtarisë së tij është studimi i aspekteve të ndryshme të qenies shqiptare në Zvicër dhe në raport me vendet e prejardhjes.

Hyrja është e lirë.

Instituti gjendet në këtë adresë:

Pontaise 11

1018 Lausanne

Për informata më të hollësishme: [email protected] – www.iseal.ch