Lajme
Ish-kancelari Schröder largohet nga bordi i drejtorëve të kompanisë ruse të naftës
Detajet apo arsyet e dorëheqjes nuk janë dhënë. 78-vjeçari Schröder, një mik i vjetër i presidentit rus Vladimir Putin, kohët e fundit ka qenë nën presion të madh
Ish-kancelari gjerman Gerhard Schröder dëshiron të largohet nga bordi i drejtorëve të kompanisë ruse të naftës Rosneft, trans,eton albinfo.ch. Siç njofton grupi Rosneft, Schröder kishte informuar bordin mbikëqyrës se ishte e pamundur që ai të zgjaste mandatin e tij si kryetar.
Detajet apo arsyet e dorëheqjes nuk janë dhënë. 78-vjeçari Schröder, një mik i vjetër i presidentit rus Vladimir Putin, kohët e fundit ka qenë nën presion të madh, shkruan srf.ch. Në dritën e luftës në Ukrainë, në Gjermani u ngritën kërkesa që Schröder të mos vepronte më si lobist për kompaninë e naftës dhe gazit nga Rusia.
Ish politikani i SPD-së mban edhe poste drejtuese në projektet e gazsjellësit Nord Stream dhe Nord Stream 2. Të dy tubacionet e gazit natyror lidhin Rusinë dhe Gjermaninë përmes Detit Baltik.
Gerhard Schröder tani po shqyrton ligjërisht vendimin e komisionit të buxhetit të Bundestagut gjerman për heqjen e privilegjeve të ish-kancelarit, transmeton albinfo.ch. Vitin e kaluar, nga arka e shtetit kanë rrjedhur mbi 400 mijë euro për shpenzimet e personelit në zyrën e ish kancelarit Schroder.
Sipas vendimit, ish-kancelarit i takon ende e drejta për pension dhe mbrojtje personale. Vetë Schröder nuk ka komentuar lidhur me këtë temë.
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë