Ish-trajneri zviceran flet për kosovarin e parë që përfaqësoi Zvicrën

Ish-ndihmëstrajneri i Zvicrës, Michel Pont, ka mbetur i mahnitur nga Kosova

Përfaqësuesja e Kosovës ka pasur një ecuri fenomenale që prej ardhjes së Bernard Challandes, raporton Zëri.info.

Pas triumfit në Ligën e Kombeve, “Dardanët” ishin edhe afër kualifikimit në ‘Euro 2020’ nga cikli eliminator.

Por, që këtë mund ta arrijnë nga dy ndeshjet e mbetura në Ligën e Kombeve në muajin mars.

Ish-ndihmëstrajneri i Zvicrës, Michel Pont, ka mbetur i mahnitur nga Kosova.

Në mes të tjerash, ai thotë se ka disa miqë në Kosovë, duke përmendur këtu edhe Arbnor Morinën, ish-futbollistin e FC Prishtinës dhe aktualisht drejtorin sportiv të Flamurtarit.

“Kam shumë miq kosovarë këtu në Gjenevë dhe i pari me të cilin kontaktova me dikë nga Kosova ishte Arbnor Morina”, ka thënë fillimisht Pont në ‘Arena Sportive’, përcjell Zëri.info.

Tutje, ai ka folur edhe për shqiptarin e parë nga Kosova që pranoi ta përfaqësojë Zvicrën.

“Kosovarët janë të çmendur pas futbollit. Lojtari i parë te ne nga Kosova ishte Milaim Rama, i cili mbante numrin 9 dhe shënonte shumë gola”, vlerësoi Pont.

“Ishte shumë krenar dhe i këndshëm, shumë i mirë dhe gjithmonë i qeshur. Ai ishte krenar që përfaqësonte komunitetin kosovar në Zvicër”, shtoi ai në mes të tjerash, përcjell Albinfo.ch.

---