Lajme
Islanda dhe Norvegjia, dy shtetet më të shtrenjta në Evropë
Krahasimi i çmimeve brenda BE-së
Duke qenë se kostoja e të jetuarit në Evropë është në përgjithësi e lartë, patjetër që dallimet prej shteteve mund të jenë të mëdha për nga çmimi, veçmas ato të zhvilluara.
Bazuar në raportin e barazive të fuqisë blerëse, të publikuar javën e kaluar nga Zyra Federale e Statistikave (FSO), Islanda dhe Norvegjia janë dy shtetet më të shtrenjta, transmeton albinfo.ch.
Këto dy shtete janë cilësuar me kosotot më të larta dhe me standard më të lartë të jetesës.
Nga ana tjetër, raporti i barazive të fuqisë blerëse, të publikuar nga Zyra Federale e Statistikave (FSO), tregon se vendi i tretë i takon Zvicrës në Evropë për sa u përket çmimeve.
Dihet se kostoja e të jetuarit në Zvicër është jashtëzakonisht e lartë, sidomos Cyrihu dhe Gjeneva pothuajse rregullisht janë renditur në mesin e qyteteve më të shtrenjta në botë, transmeton albinfo.ch.
E së fundi, një studim i ri tregon se zviceranët duhet të paguajnë 168 franga për një shportë të mallrave të konsumit që kushtojnë mesatarisht 100 euro në Bashkimin Evropian.
E çmimet janë cilësuar veçanërisht të kushtueshme kur bëhet fjalë për ushqim, pije, hotele, restorante, veshmbathje dhe sigurime shëndetësore.
Shporta e produkteve që kushton 168 franga në Zvicër, është 107 euro në Gjermani, 109 euro në Francë dhe 111 euro në Austri; me 98 euro, Italia është pak nën mesataren evropiane.
Niveli më i ulët i çmimit është regjistruar në Turqi, e ndjekur nga Maqedonia Veriore dhe Shqipëria.
Sidoqoftë, studime të tjera kanë treguar që edhe përkundër kostos së lartë të jetesës, Zvicra ka një nga fuqitë më të mira blerëse në botë falë një kombinimi të faktorëve të tillë, si të ardhurat e larta dhe taksat e ulëta. /Albinfo.ch.
Të ngjashme
Të tjera nga Lajme
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
-
Kam pak kohë që jetoj në Zvicër, si mund të aftësohem/shkollohem në Lausanne?
Jeta në Zvicër
-
Gjithçka që duhet të dini për kulturën e pishinave të jashtme të Zvicrës Me shumë pishina të hapura tashmë të hapura për sezonin, shumë banorë zviceranë mezi presin një...
-
Bien paratë nga qielli në Cyrih: Droni lëshon 24,000 franga
-
Janë refuzuar shumica e pretendimeve për para nga sigurimet shëndetësore gjatë COVID-19 në Zvicër
-
Vdes zëvendëskancelari i Zvicrës, André Simonazzi
-
Stuhia diellore “ekstreme” gjeneron dritat veriore, përfshihet edhe Zvicra