Ismaili: Nuk do të ndalem deri të zbardhen vdekjet e dyshimta në QKUK

Ministri i Shëndetësisë, Uran Ismaili, ka deklaruar se deri të zbardhen vdekjet e dyshimta në QKUK nuk do të ketë qetësi.

“Ne jemi në dorë të prokurorisë dhe organeve të rendit. Unë kam kërkuar që të mos ndalen hetimet dhe të kemi një përgjigje. Nuk do të ketë rehati as tek unë, as te qytetarët, por as te shumë punëtorë shëndetësorë në qoftë se ne nuk arrijmë ta gjejmë përgjegjësin ose fajtorin se si ka rrjedhë kjo situatë. Domethënë, jemi duke e pritur prokurorinë dhe policinë”, ka thënë Ismaili për RTK.