Itali: Kufizime të reja për të shmangur valën e tretë COVID-19

Qeveria e Italisë do të duhet të vendosë kufizime të reja gjatë sezonit të festave për të shmangur një valë të tretë, shkatërruese të koronavirusit, tha Kryeministri në një intervistë të botuar të martën.

“Më tej, tani nevojiten kufizime të reja … ne duhet të shmangim me çdo kusht një valë të tretë, sepse kjo do të ishte shkatërruese, gjithashtu nga pikëpamja e humbjes së jetëve”, tha Giuseppe Conte për La Stampa, përcjell albinfo.ch.

Qeveria e koalicionit të Contes po konsideron rregulla më të rrepta në mbarë vendin për festat e Krishtlindjeve dhe Vitit të Ri pasi turmat u dyndën në qendrat e qyteteve gjatë fundjavës menjëherë pasi Roma kishte zbutur disa kufizimet e vendosura muajin e kaluar.

Italia është kombi evropian me numrin më të madh të vdekjeve. Conte tha se një fushatë vaksinimi do të duhej të synonte rreth 10 milionë deri në 15 milionë njerëz në mënyrë që të “kishte një ndikim efektiv në imunitet” dhe se një qëllim i tillë do të arrihej në fund të pranverës ose më së voni para verës, përcjell tutje albinfo.ch.