Lajme
Italia, drejt referendumit për të legalizuar kanabisin
Italia po shkon drejt referendumit për të legalizuar kanabisin, pasi një grup aktivistësh ka arritur të mbledhë mbi 500 mijë nënshkrime në vetëm një javë.
Aktivistët e kanë konfirmuar lajmin me anë të një postimi në Facebook, ku shkruajnë se diçka e tillë nuk është parë ndonjëherë.
Referendumet popullore në Itali mund të organizohen nëse merren 500.000 nënshkrime dhe aktivistët morën shumën e nevojshme përpara afatit të 30 shtatorit.
Nëse publiku voton për dekriminalizimin e kanabisit, blerja, shitja dhe kultivimi i drogës do të bëhen të ligjshme sipas ligjit italian. Në Itali tregtarët e kanabisit dhe drogëve të tjera të ngjashme mund të përballen me deri në 10 vjet burgim nëse shpallen fajtorë.
“Nëse kanabisi do të ishte i ligjshëm, do t’u jepte fund gjykimeve të panevojshme”, thonë aktivistët.
Kjo pasi sasi të vogla të drogës do t’u siguroheshin pacientëve që e përdorin atë për të lehtësuar dhimbjen.
Grupi thekson se ‘Legalizimi i kanabisit do të krijonte mijëra vende të reja pune dhe do të rriste të ardhurat nga taksat për shtetin, duke e vendosur vlerën e përafërt në 7 miliardë euro’.
Nëse propozimi miratohet nga Gjykata e Lartë, peticioni do t’i dërgohet Gjykatës Kushtetuese për shqyrtim dhe për të vlerësuar nëse ligji do të ishte në përputhje me Kushtetutën italiane./Euronews
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?