Italia heq detyrimin për maskë në transportin publik

Një dekret që kërkon përdorimin e maskave në trena, autobusë dhe tragete nuk do të zgjatet më dhe për këtë arsye do të skadonte të premten

Italia ka hequr detyrimin për maskë ​​në transportin publik. Ministria e Shëndetësisë ka njoftuar se një dekret që kërkon përdorimin e maskave në trena, autobusë dhe tragete nuk do të zgjatet më dhe për këtë arsye do të skadonte të premten, ditën e fundit të shtatorit transmeton albinfo.ch. 1 tetori, e shtunë, ka qenë dita e parë pa detyrim për mbajtje të maskës në transportin publik në Itali.

Megjithatë, detyrimi për mbajtje të maskës është ende në fuqi për spitalet dhe shtëpitë e pleqve.

Sipas një raporti javor, aktualisht ka një rritje të infeksioneve, veçanërisht në grupmoshën 10 deri në 19 vjeç, dhe transmetimi po vazhdon të rritet, shkruan srf.ch.

Edhe pse ka pasur një rritje të lehtë të normave të pranisë në institucione shëndetësore, kjo aktualisht ka një ndikim të kufizuar sa u përket spitaleve.

---