Për shkak të skive: Italia kërcënon të fusë Zvicrën në listën e karantinës

Kjo po ndodh pasi që Zvicra dhe Austria nuk i janë nënshtruar kërkesës së Gjermanisë dhe Italisë për të mbyllur vendskijimet gjatë sezonit të skive

Kryeministri italian Giuseppe Conte kërcënon me futje të Zvicrës në listën e karantinës. Kjo mund të ndodhë si pasojë e mosmarrëveshjes rreth hapjes ose jo të sezonit të skive në Zvicër, shkruan srf.ch.

Sipas tij,  njerëzit që pasi kanë qenë në Zvicër kthehen në Itali do të detyrohen të kalojnë dy javë në karantinë, transmeton albinfo.ch.

Por jo vetëm italia. Edhe landi gjerman i Bavarisë ka vendosur gjithashtu të enjten tqë të ndëshkojë me karantinë entuziastët e sporteve dimërore dhe turistët e tjerë që udhëtojnë jashtë vendit.

E gjithë kjo po ndodh pasi që Zvicra dhe Austria nuk i janë nënshtruar kërkesës së Gjermanisë dhe Italisë për të mbyllur vendskijimet gjatë sezonit të skive.

Ministri Berset, i befasuar nga pretendimet e fqinjve ka thënë: “Ne jemi në qendër të Alpeve, Austria gjithashtu, përcjell albinfo.ch. Të dy vendet kanë një traditë të shkëlqyer të  sporteve të dimrit dhe skive, prandaj duhet ditur të bëhet klasifikimi në këtë mes. Sidoqoftë, ne jemi në kontakt me vendet fqinje”.

Ndërsa pikërisht këto vende fqinje duan të parandalojnë njerëzit e tyre që të udhëtojnë në Zvicër.

Frika e krerëve të vendeve përkatëse: Merkel, Macron dhe Conte është e qartë: Për shkak të rrugës së veçantë që ka zgjedhur Zvicra, fanatikët e sporteve dimërore mund të udhëtojnë masivisht drejt Alpeve Zvicerane dhe pas kthimit, të sjellin me vete infeksionin me koronavirus

LAJME INTERESANTE NGA INTERNETI