Bota
Italia, ‘pikënisja’ e përhapjes së virusit në Evropë
Austria, Kroacia dhe Zvicra thanë se rastet kishin të bënin me persona që kishin qenë në Itali
Ka shkuar në 12 bilanci i viktimave nga koronavirusi në Itali, me një 70-vjeçare nga Emilia Romagna që u bë edhe e para viktimë në këtë rajon.
Ndërkohë, mbi 374 janë të prekurit në Itali, mes tyre tre në Siçili. 259 janë të prekurit vetëm në rajonin e Lombardisë dhe mes tyre gjashtë minorenë.
Ndërkohë, janë disa vende evropiane që kanë njoftuar për rastet e para të koronavirusit, në dukje, të gjithë të lidhur me shpërthimin në itali.
Austria, Kroacia dhe Zvicra thanë se rastet kishin të bënin me persona që kishin qenë në Itali.
Po ashtu edhe Algjeria në Afrikë. Rasti i parë pozitiv i virusit është regjistruar edhe në Amerikën Latine, një brazilian që sapo ishte kthyer nga Italia, ndërsa një viktimë është regjistruar edhe në Francë, përcjell albinfo.ch.
Kjo e fundit është bërë ditët e fundit vendi më i prekur në Evropë, por vendet fqinje kanë vendosur se mbyllja e kufijve do të ishte e panevojshme. Ministrat e shëndetësisë nga Franca, Gjermania, Italia dhe komisioni evropian, janë angazhuar ti mbajnë kufijtë hapur në një takim të martën ndërsa raste të reja të virusit vazhdojnë të shfaqen në Evropë dhe në Italinë qendrore dhe atë jugore. Po flasim për një virus që nuk i respekton kufijtë – tha ministri italian i shëndetit, Roberto Speranza.
Italia është vetëm një nga tre vatrat e mëdha jashtë kinës. Në Iran, rreth 100 persona janë infektuar sipas të dhënave zyrtare, por mendohet se numri mund të jetë shumë më i lartë. Infektimi i zëvendësministrit të shëndetësisë së vendit, ka thelluar frikën se virusi është përhapur në masë. Më shumë se 1100 persona ndërkohë janë infektuar në Korenë e Jugut, ku 11 janë viktimat. Edhe ushtria amerikane ka konfirmuar se një nga ushtarët e saj të vendosur në Korenë e Jugut ka rezultuar pozitiv për virusin. Ndërkohë pjesa më e madhe e rasteve mbeten në kinë. Sipas shifrave të fundit, të publikuara të mërkurën, 78064 persona janë infektuar që nga shpërthimi i epidemisë. 52 vdekje të reja janë raportuar të martën, shifra më e ulët ditore kjo në më shumë se tre javë. Numri total i viktimave në kinë tani ka shkuar në 2715.
OBSH-ja ndërkohë ka paralajmëruar se bota thjeshtë nuk është e përgatitur për të përballuar përhapjen e epidemisë së koronavirusit.
Sekretari amerikan i shtetit, Mike Pompeo i ka kërkuar ndërkohë të gjitha vendeve të thonë të vërtetën për koronavirusin, duke nënvizuar se Uashingtoni është veçanërisht i shqetësuar se mos Irani mund të ketë fshehur detaje të rëndësishme për epideminë atje.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane