Kuriozitete

Ja kur do të hapet hoteli i parë në hapësirë

Ky hotel do të përbëhet nga 24 kabina, të cilat do të jenë të ngjashme me dhomat e zakonshme të hoteleve në tokë

Hoteli i parë në hapësirë, të cilit i është vendosur emri “Von Brawn Space Station” do të hapet në vitin 2025, shpjegon kompania që po merret me projektimin e tij, “Gateway Foundation”.

“Von Brawn Space Station” është një projekt që do të mund të shndërrohet në hotelin e parë të luksit në hapësirë.

Sipas projektit origjinal, ky hotel do të përbëhet nga dy struktura rrotulluese të cilat lidhen me strukturën bazë e cila do të jetë në formë të një rrethi me një diametër që shkon deri në 190 metra.

Ky hotel do të përbëhet nga 24 kabina, të cilat do të jenë të ngjashme me dhomat e zakonshme të hoteleve në tokë, transmeton Monitor.

Ai do të përmbajë gjithashtu edhe një kuzhinë të stërmadhe, një restorant luksoz, një palestër, një sallë kinemaje dhe një sallë për konferenca, përcjell albinfo.ch.

Pritet që ky hotel të akomodojë deri në 100 persona dhe objektivi i ndërtimit të tij është ai që të transormojë edhe hapësirën në një zonë tregtare, jo vetëm për t’u vizituar por edhe për të kaluar në të disa ditë.

Kompania që po merret me këtë projekt u shpreh se në hotelin që pritet të hapet për publikun në vitin 2025 do ta kenë mundësi të shkojnë jo vetëm personat e pasur, si pasojë e kostos së lartë të biletës, por edhe persona të zakonshëm, në saje të ofertave që kjo kompani do të bëjë në bashkëpunim me kompani të tjera.