Ja sa i kushtuan Francës kufizimet kundër COVID 19

450 miliardë euro i kushtuan Francës masat kufizuese

Francës i kanë kushtuar masat kundër koronavirusit 450 miliardë euro, ka bërë të ditur ministri francez i Financave, Brune Le Maire, në një intervistë për televizionin BFM.

Qeveria franceze i ka zbatuar disa masa nga mesi i muajit mars për parandalimin e përhapjes së COVID 19, duke përfshirë këtu pezullimin e vendeve të punës dhe ofrimin e pagave, ofrimin e huave të garantuara nga shteti dhe lirimin nga taksat.

“Nëse marrim gjithçka që është bërë me buxhetin dhe në përkrahje të bizneseve, shuma është 450 miliardë euro, 20 për qind e pasurisë kombëtare”, tha ministri Le Maire.

Gjithashtu shtoi se huat e garantuara nga shteti, për të cilat është vendosur një kufi prej 300 miliardë eurove, do të kenë ndikim në buxhet vetëm nëse huamarrësi bankroton dhe garancia duhet të përdoret, përcjellë albinfo.ch.

Gjatë krizës, shteti e ka mbuluar 70 për qind të pagës së punëtorëve të pezulluar nga puna, por ministri paralajmëroi se shuma që u është dhënë kompanive do të pakësohet në mënyrë graduale.

---