Januzaj ka zgjedhur Kosovën

Mediat belge kanë bërë të ditur se Adnan Januzaj ka zgjedhur Kosovën. Ai tashmë nuk bën pjesë në planet e Përfaqësueses së Belgjikës dhe që 16 muaj nuk është ftuar në ekipin e parë. Belgjika nuk pritet ta thërrasë as për kampionatin evropian dhe kjo është arsyeja që Januzaj ka zgjedhur Kosovën, shkruan albinfo.ch.

Përzgjedhësi i Kosovës në futboll, Albert Bunjaki për mediat kosovare ka deklaruar se nuk ka kontaktuar me të, por i ka dyert e hapura. “Nuk kam kontaktuar me të që një kohë. I kam parë shkrimet e atyre medieve. Dyert e Përfaqësueses sonë janë të hapura për të gjithë futbollistët, sidomos për ata që shprehin dëshirë të jenë pjesë jona, e veçmas për ata që na përshtaten në këtë moment”, ka thënë përzgjedhësi i Kosovës.