Koronavirusi: çast pas çasti
Johnson & Johnson e sigurt, rifillon vaksinimi në SHBA
Nga rreth 8 milionë njerëz që kanë marrë vaksinën J&J janë evidentuar 15 raste tek të cilët është zhvilluar një lloj tejet i pazakontë i mpiksjes së gjakut
Zyrtarët amerikanë të shëndetësisë morën vendim të rifillojnë imunizimin me vaksinën Johnson & Johnson kundër COVID-it, pas një pauze 11-ditore.
Ekspertët thanë se përfitimet prej saj i tejkalojnë rreziqet duke iu referuar rasteve të rralla të mpiksjes së gjakut, që janë evidentuar nga përdorimi i vaksinës që merret me një dozë të vetme.
Nga rreth 8 milionë njerëz që kanë marrë vaksinën J&J janë evidentuar 15 raste tek të cilët është zhvilluar një lloj tejet i pazakontë i mpiksjes së gjakut.
Të gjitha ishin gra, shumica nën moshën 50 vjeç. Tre prej tyre kanë vdekur dhe shtatë vazhdojnë të jenë të shtruara në spital, raporton “Zëri i Amerikës”, transmeton albinfo.ch.
Por sipas zyrtarëve federalë të shëndetësisë vaksina është thelbësore për të luftuar pandeminë dhe se rreziku i vogël i mpiksjes së gjakut mund të trajtohet me paralajmërime për të ndihmuar gratë e reja që të marrin vetë vendim nëse duan ta përdorin vaksinës në fjalë apo një tjetër.
Qendrat për Kontrollin dhe Parandalimin e Sëmundjeve thanë se vaksina J&J ka përparësi të rëndësishme për disa njerëz që e prisnin me padurim kthimin e saj. Administrata e Ushqimit dhe Barnave azhurnoi fletëpalosjet e publikuara në internet me informacione për vaksinat me synimin që imunizimi me J&J të rifillojë të shtunën.
Drejtoresha e CDC-së Dr. Rochelle Walensky tha se pauza duhet të rrisë besimin në sigurinë e vaksinave, duke theksuar se “ne po i trajtojmë këto çështje me seriozitet”.
Ekspertët vendosën për rifillimin e vaksinimeve pa kufizime në moshë, por e bënë të qartë se imunizimi me J&J duhet të shoqërohet me paralajmërime të qarta mbi mpiksjen e gjakut.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Të dhënat e pasagjerëve ajror duhet të jenë në gjendje të përdoren nga policia Mbledhja e të dhënave të caktuara nga pasagjerët e ajrorë dhe ruajtja e tyre për një...
-
Zvicër: Një burrë plagos disa persona në Zofingen
-
Kompanitë e sigurimeve shëndetësore duhet të paguajnë për syzet, me paratë e taksave
-
Wiedikon: Vendasit, të indinjuar me qiratë e larta
-
Gjendet viktima e fundit e ortekut të prillit