Lajme
Ka përdhosur një grua që po flinte, kosovari dënohet me dëbim nga Zvicra
Procesi ndaj kosovarit është zhvilluar këtë javë në Gjykatën e Qarkut në Thun, Kantoni i Bernës
Pasi që kishte kryer marrëdhënie seksuale me një grua që ishte duke fjetur, një kosovar 34 vjeçar është dënuar me dënimin 22 muaj me kusht për 4 vite. Përveç kësaj, atij i është shqiptuar edhe dënimi me dëbim dëbuar nga Zvicra për shtatë vjet, shkruan gazeta “Berner Zeitung”. Po ashtu viktima është dëmshpërblyer me 10.000 franga.
Procesi ndaj kosovarit është zhvilluar këtë javë në Gjykatën e Qarkut në Thun, transmeton albinfo.ch. Sipas aktakuzës, ai, pas një nate të gjatë feste, ka kryer marrëdhënie seksuale me një grua që po flinte.
“Autori i krimit ka shfrytëzuar situatën në mënyrë të paskrupullt. Nuk ka asnjë arsyetim për sjelljen e tij”, është shprehur kryetari i gjykatës, i cili në shqiptimin e dënimit ka ndjekur kërkesën e prokurorisë.
Përveç kësaj, ai ka klasifikuar deklarimet e të pandehurit si pak të besueshme: Ai e dinte, për shembull, se çfarë kishte ngrënë natën e krimit, por kur vjen puna te sqarimi i krimit, ai pretendonte se kishte boshllëqe në kujtesë, sepse gjoja kishte qenë nën ndikimin e alkoolit dhe drogës.
Autori i deliktit dhe viktima kishin shkuar në banesën e të akuzuarit pas një feste me dy miq të tjerë në mars të vitit 2017, përcjell albinfo.ch. Aty, akuzuesja (viktima) kishte fjetur në divan. Ajo ka thënë se më vonë është zgjuar nga dhimbjet dhe e ka shtyrë kolegun e saj që ishte shtrirë mbi të. Po atë ditë ajo kishte paraqitur ankesë.
Përveç veprës penale të përdhosjes, kosovari ka kryer më parë edhe disa delikte. Ai është gjobitur dy herë për ngarje të makinës pa patentë shofer të vlefshëm, transmeton albinfo.ch. Drejtimi i paligjshëm i një bari dhe përdorimi të kokainës gjithashtu i kishin kushtuar atij po ashtu me gjobë.
- Vepra penale “përdhosje” kryhet kur autori kryen veprime seksuale me personin e paaftë për të reaguar.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
Mërgimtari humb jetën në vendin e punës, në Maltë
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor