Lajme
Kantoni Graubünden pranon të huajt me “Vizën C” për të punuar si policë
Policia kantonale e Graubünden u mundëson personave me leje të përhershme qëndrimi ( Vizë C) të punojnë si policë
Kushdo që ka lejen e qëndrimi të përhershëm (“Vizë C”) në Graubünden, mund të regjistrohet në të ardhmen për të bërë testin e aftësisë si punonjës policie, praktikant, transmeton albinfo.ch një komunikatë të autoriteteve të këtij kantoni.
Qeveria e Kantonit ka vendosur të rregullojë procesin e rekrutimit në përputhje me rrethanat.
Gjithsej 400 policë punojnë për policinë e kantonit Graubünden. Çdo vit, ndërmjet 15 dhe 25 aspirantë nga Graubündeni përfundojnë trajnimin në shkollat e policisë në Zvicrën Lindore dhe Ticino, për t’u bërë policë.
Policia kantonale në Graubünden ka një gamë të gjerë detyrash dhe merret me sigurinë, paqen dhe rendin për banorët, frekuentueist e festave, pjesëmarrësit në kongrese dhe udhëtarët që kalojnë atje. Përveç kësaj, ajo punon me organizata partnere në vendet fqinje në kufirin kombëtar dhe me departamente të ndryshme brenda administratës për tema specifike.
Përshtatja e procesit të rekrutimit
Për të qenë në gjendje të rekrutojnë mjaft të rinj, shumë trupa policore dhe policia kantonale e Graubündenit kanë përshtatur ose hequr në vitet e fundit kriteret e tyre si madhësia minimale dhe mosha e kandidatit.
Trupat policore të kantoneve Basel-Stadt, Schwyz, Neuchâtel dhe Jura kanë shkuar tashmë një hap më tej, transmeton albinfo.ch, Ato, për ta bërë profesionin e policisë të qasshëm për një grup më të madh njerëzish – kanë hequr kriterin formal për nënshtetësinë zvicerane për të përfshirë brenda policisë edhe perosnat e huaj, me leje qëndrimi të përhershme (leje C).
Graubündeni tani po i përshtat këto specifikime. Megjithatë, kriteret e larta personale për policët e mundshëm, mbeten, përcjell albinfo.ch. Kjo, përkundër faktit se tani e tutje, kushdo në Graubünden që ka një leje qëndrimi të përhershme do të jetë gjithashtu në gjendje të regjistrohet në policinë kantonale për testin e aftësisë për kursin e trajnimit dyvjeçar.
(Foto: KAPO Graubünden)
Të ngjashme
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor