Lajme

Ndalohen 8 punëtorë ilegalë shqiptarë

Ata kshin ardhur nga Republika Çeke dhe ishin rrugës për në Belgjikë, ku planifikonin të punonin paligjshëm në sektorin e ndërtimit

Më 9 prill, në orën 10:15 në mëngjes në BAB 4 (autostrada federale numër 4) pranë qytetit Bautzen, pjesëtarët e e Policisë Federale dhe të Landit nga grupi i përbashkët i kërkimit në Bautzen kanë ndaluar tetë shqiptarë që udhëtonin me një VW Sharan drejt Dresdenit, shkruan ots.de.

Burrat midis moshës 22 dhe 45 kishin ardhur nga Republika Çeke dhe ishin rrugës për në Belgjikë, transmeton albinfo.ch. Atje ata planifikonin të zhvillonin një aktivitet të paligjshëm në sektorin e ndërtimit.

Asnjëri prej tyre nuk kishte vizë qëndrimi ose leje pune.

Policia Federale i ka marrë tetë personat në fjalë në paraburgim dhe ka nisur hetimet ndaj tyre. Ata po hetohen për shkelje të Ligjit mbi Lejen e Qëndrimit në Gjermani dhe për angazhimin në punë të paautorizuar (pa leje).

Shoferi që po i transportonte tetë personat duhet të përgjigjet edhe për kontrabandën e të huajve, përcjell albinfo.ch. Qytetarët e kapur shqiptarë u detyruan të paguanin depozitën për dëbim në Republikën Çeke.