KEK-u vazhdon afatin për banorët  Hades dhe Shipitullës

Në njoftimin për medie theksohet se KEK-u ka zbatuar me përpikëri vendimin e qeverisë së Kosovës dhe ka rishikuar Planin e Veprimit të Zhvendosjes

Korporata Energjetike e Kosovës u ka bërë thirrje, edhe një herë, banorëve të Hades e Shipitullës që të nënshkruajnë kontratat për zhvendosje, transmeton albinfo.ch.

Në njoftimin për medie theksohet se KEK-u ka zbatuar me përpikëri vendimin e qeverisë së Kosovës dhe ka rishikuar Planin e Veprimit të Zhvendosjes dhe vetëm pas aprovimit të tij nga MMPH-Qeveria e Kosovës, ka dorëzuar ofertat për kompensimin e pasurisë së paluajtshme.

“Këto oferta janë duke u pritur mjaft mirë dhe interesimi i banorëve për nënshkrimin e kontratave është shumë i madh. Prandaj, duke pasur parasysh këtë reflektim të banorëve dhe angazhimin maksimal të të gjithë akterëve e me theks të veçantë Qeverisë së vendit për ta përmbyllur këtë proces me sukses, KEK ka vazhduar afatin e nënshkrimit të kontratave edhe për pesë ditë”, thuhet në njoftim.