Lajme

Këngëtarja Elina Duni performon sot në Kajro të Egjiptit

Elina Duni, këngëtare shqiptare që jeton në Zvicër, do të performojë sot në Festivalin e Muzikës Jazz në Kajro

 

Është bërë e ditur se këngëtarja e njohur shqiptare, Elina Duni, do të performojë në Festivalin e Muzikës Jazz në Kajro të Egjiptit, transmeton albinfo.ch.

Elina, bashkë me dy bashkëpunëtorët e saj, do të ngjitet në skenën ku mbahet ky festival, teksa do t’u falë momente të bukura dashamirësve të muzikës Jazz.

Po ashtu, këngëtarja shqiptare së fundmi ka publikuar albumin e saj të ri “Lost Ships”, i cili iu dedikua të gjithë emigrantëve. Nga viti 1991 Elina jeton në Zvicër së bashku me mamanë e saj, shkrimtaren Besa Myftiu.

“Çfarë mrekullie! Këtë të enjte dhe të premte do të luajmë në Cairo Jazz Festival. Faleminderit Pro Helvetia Cairo-Swiss Arts Council!!! Deri atëherë, po bëjmë maksimumin për të mbështetur turizmin egjiptian gjatë këtyre kohëve të vështira”, ka shkruar në një postim Elina Duni.

Fotografia e Elina Duni

Fotografia e Elina Duni


LAJME INTERESANTE NGA INTERNETI