Integrimi
Kërcënimi me vetëvrasje nuk e shpëton kosovaren nga dëbimi
Gruaja kosovare kishte keqtrajtuar rëndë vajzën e saj 17 vjeçare dhe e ka sjellë atë në gjendje të rrezikut për jetë
Humb betejën para Gjykatës Federale një nënë e cila e kishte rrahur brutalisht vajzën e saj të vogël dhe për këtë arsye kishte humbur edhe lejen e qëndrimit. Kërcënimi i saj se do të bënte vetëvrasje nuk e ka shpëtuar nga dëbimi.
Në janar të këtij viti, Gjykata Federale kishte mbrojtur një vendim të autoriteteve të migracionit të St.Gallen duke konfirmuar dëbimin e një femre kosovare të moshës 43 vjeçare.
Një nënë e rrezikshme
Gruas i ishte tërhequr leja e qëndrimit dhe ishte dënuar për shkak të rrezikimit të jetës, shkaktimit të lëndimeve trupore dhe delikteve të tjera. Gruaja kosovare kishte keqtrajtuar rëndë vajzën e saj 17 vjeçare dhe e ka sjellë atë në gjendje të rrezikut për jetë.
Gjykata e qarkut See-Gaster doli me vendimin e saj dhe gjeti fajësime të rënda. Nëna ia kishte përplasur vajzës brutalisht tri herë kokën për radiator të banjës, para se ta qëllonte atë rreth 20 herë me rryp në kokë, krahë dhe në këmbë. Ajo e kishte kërcënuar të bijën edhe me një thikë. Po ashtu e ka goditur edhe me kabllo elektrike. Kur vajza kishte provuar t`ia rrëmbente kabllon, ajo e kishte kafshuar në krahun e djathtë dhe ia kishte shkulur një tufë flokësh, njofton “albinfo.ch
Si përfundim ajo ia kishte vendosur kabllon rreth qafës dhe duke e tërhequr zvarrë vajzën e saj gati sa nuk e ka mbytur.
Nuk i vazhdohet leja e qëndrimit
Nëna kosovare ka kërkuar disa herë radhazi për ta zgjatur lejen e qëndrimit dhe që t`i bëhet e mundur për të vazhduar qëndrimin e saj në Zvicër. Por autoritetet e St. Gallen-it e kanë refuzuar kërkesën e saj.
Ndërkohë kosovarja ka njoftuar edhe Gjykatën Evropiane për të drejtat e njeriut. Në ankesën e saj të re në Gjykatën Federale, ajo ka kërcënuar se do të bëjë vetëvrasje nëse i duhet të lëshojë Zvicrën.
“Një kërcënim apo një veprim i rrezikshëm që një person mund t`i japë fund jetës së tij për shkak të mos vazhdimit të të drejtës së qëndrimit, nuk është bazë për ndalimin e deportimit”, thotë Gjykata Federale, transmeton “albinfo.ch”
Në raste të tilla, autoritetet zvicerane janë të detyruara të marrin masa parandaluese dhe konkrete për kthim, si për shembull kujdesi mjekësor, për të siguruar se jeta dhe shëndeti i personit në fjalë nuk është prekur. Zbatimi i kësaj mase duhet të jetë i planifikuar dhe i kryer me shumë kujdes.
Në rastin konkret deportimi nuk mund të ndalohet, pasi që edhe në Kosovë ka institucione të cilat merren me parandalimin e vetëvrasjes dhe kujdesin psikologjik dhe psikiatrik. “Do të ju mbetet mjekëve për të përcaktuar se kur e ankuara duhet të konsiderohet si e aftë për të udhëtuar në vendlindjen e saj”, thotë vendimi nga Lozana.
Të ngjashme
Të tjera nga Integrimi
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse