“Kërcimi i Tropojës”, zyrtarisht pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO

Lajm i jashtëzakonshëm për trashëgiminë kulturore shqiptare (Video)

Mësohet se “Kërcimi i Tropojës” është shpallur zyrtarisht pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO, shkruan albinfo.ch.

Pas vlerësimit pozitiv nga Organizmi i Vlerësimit të UNESCO-s, gjatë sesionit të 19-të të Komitetit Ndërqeveritar për Ruajtjen e Trashëgimisë Kulturore Jomateriale, në Asuncion, Paraguaj, “K’cimi i Tropojës” është tashmë pjesë e Listës Përfaqësuese të Trashëgimisë Kulturore Jomateriale të Njerëzimit.

Një trashëgimi që përçon ritmet, emocionet dhe identitetin tonë kombëtar, tashmë të njohur në nivel global si një thesar kulturor.

Ky vlerësim shënon një tjetër hap drejt lartësimit të vlerave kombëtare, duke na bërë dhe me krenarë për vendin tonë. /Albinfo.ch

https://www.facebook.com/share/v/1WKo3Trngx/?mibextid=UalRPS

---