Tematike
Këto nacionalitete kryejnë më së shumti delikte trafiku në Zvicër
Me 24.7 promilë, ballkanasit janë dukshëm mbi kuotën e zviceranëve (15.7), por edhe më shumë mbi atë të gjermanëve që jetojnë në Zvicër (11,8)
Të dhënat e publikuara të martën nga Zyra Federale për Statistika (BFS) përmbajnë shifrat e përfshirjes në delikte, sipas prejardhjes nacionale të kryesve të tyre. Në këtë kontekst, janë dhënë edhe shifrat dhe përqindjet e delikteve në komunikacion, shkruan albinfo.ch.
Ajo që tregojnë statistikat është se të rinjtë bëjnë më shumë delikte në trafikun rrugor se ngasësit e moshuar. Po ashtu aty tregohet se disa nacionalitete janë të përfshira në masë mbiproporcionale në shkeljen e rregullave të trafikut se disa të tjera.
Në shënimet në fjalë janë përfshirë njerëzit me pasaporta të huaja që jetojnë në Zvicër.
Gjatë vitit 2018, për shkelje të ligjit për trafikun rrugor (SVG) janë dënuar 25.867 meshkuj zviceranë të moshës 18 deri 29 vjeçar, shkruan blick.ch. Sipas BFS, ata përbëjnë 15.7 promilë të të gjithë zviceranëve të kësaj moshe. D.m.th. 15,7 të rinj nga 1000 kanë shkelur ligjin në fjalë.
Ndërkaq moshatarët e tyre me prejardhje nga Iraku kanë rënë në kundërshtim me ligjin e përmendur në masën 44.3 promilë. Ata janë të parët në këtë listë.
Pas tyre në radhë vinë shtetasit turq, me 37.9 promilë, ata portugezë me 28 dhe, në vend të katërt në listë janë shtetasit e vendeve të ish-Jugosllavisë, me 24.7 promilë, transmeton albinfo.ch. Këto shifra dëshmojnë se të rinjtë nga vendet e përmendura (ku shqiptarët e të gjitha viseve përbëjnë së paku gjysmën) nuk janë në krye të listës së palavdishme, siç krijohet pershtypja nga publikimet në media. Perceptimi i tillë vjen nga fakti se komunitetet nga hapësira ish-jugosllave dhe përgjithësisht ajo ballkanike, përbëjnë numrin më të madh të të huajve në Zvicër.
Sidoqoftë, edhe me 24.7 promilë, ata janë dukshëm mbi kuotën e zviceranëve (15.7), por edhe më shumë mbi atë të gjermanëve që jetojnë në Zvicër (11,8).
Psikologu i komunikacionit Urs Gerhard nga Universiteti i Bazelit ka këtë sqarim rreth fenomenit të peërmendur. “Të rinjtë janë më të guximshëm. Ata u hyjnë rreziqeve më të mëdha. Dhe për këtë ka një arsye. Atyre u mungon përvoja. Ne sqarojmë shumë migrantë të rinj. Shpesh ndodh që ata kanë përjetuar luftën. Kështu, jeta për ta ka një vlerë më të ulët se te zviceranët. Këta të fundit janë rritur dhe edukuar me kohë në kushte sigurie”.
Eksperti e sheh edhe te shkalla e ulët e arsimimit njërin nga shkaktarët. “Për t`u ndier megjithatë si burrë, lind nevoja e imponimit me veturë”.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut