Lajme
Hapet pika shkollore në Flamat të Kantonit të Freiburgut
Të premten e kaluar edhe nxënësit e “Shkollës Shqipe” në Flamat të Kantonit të Freiburgut filluan me orët mësimore në gjuhën shqipe
Bëhet e ditur se në Flamat të Kantonit të Freiburgut filluan me orët mësimore në gjuhën shqipe, njofton albinfo.ch.
Pas angazhimit të veprimtarëve të “Shkollës Shqipe” në Zvicër, u arrit të hapet edhe një pikë e re. Pas një angazhimi dhe bashkëpunimi me prindërit e këtij rrethi, të premten e kaluar, më 23 shtator, hapi dyert edhe “Shkolla Shqipe” në Flamat të kantonit të Freiburgut, për fëmijët shqiptarë.
Si çdo nismë ka vështirësitë e saj, por edhe në këtë rrethinë ku jetojnë me vite shqiptarët, interesimi është i dukshëm. Vlen të përmendet në shenjë falënderimi bashkëpunimi me Drejtorinë e shkollës në Flamat si dhe angazhimi i disa prindërve që sa më shpejt fëmijët e tyre të fillojnë me mësimin në gjuhën amtare. Dhe, për këtë arsye mësimi filloi javën e kaluar, por në ndërkohë janë paraqitur edhe fëmijë të tjerë, të cilët do t`iu bashkëngjiten bashkëmoshatarëve të tyre me qëllim që ta mësojnë gjuhën e tyre amtare.
Fakt është se “Shkolla shqipe” në Zvicër i ka tejkaluar të gjitha parashikimet. Përkushtimi dhe angazhimi i veçantë me prindërit shqiptarë kanë dhënë në këto 3-4 vjetët e fundit edhe frutat e saj. Hapja e shkollave të njëpasnjëshme kanë tubuar me qindra e qindra nxënës në kuadër të pikave shkollore në 17 kantone të Zvicrës.
Vaxhid Sejdiu
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën