Futboll

Klopp e ngrit në qiell Shaqirin: Falë Zotit që e kemi!

Trajneri gjerman i Liverpoolit e ka lavdëruar yllin shqiptar

Xherdan Shaqiri ishte hero i Liverpoolit në derbin ndaj Manchester United, duke shënuar dy gola dhe duke u shpallur lojtari i ndeshjes.

Pas ndeshje atë e lavdëroi edhe trajner Jurgen Klopp. “Zëvendësimi funksionon vetëm kur situata është e tillë në ato momente. Djemtë po punojnë shumë, Clyne luajti ndeshjen e parë dhe ishte e pabesueshme çfarë ndeshje bëri. Shaqiri hyri në fushë dhe falënderoj Zotin që bëri dallimin. Ai është lojtar me tipare të veçanta”, deklaroi Klopp pas ndeshjes, përcjell albinfo.ch.

Pas ndeshjes foli edhe Shaqiri. “Gjithmonë tentoj të ndikoj kur futem në lojë apo jam titullar. Kisha një ndikim të mirë me dy golëshin, jam i lumtur”, është shprehur futbollisti shqiptar.

“Ishte një fitore fantastike dhe e rëndësishme gjithashtu. Kemi luajtur shumë mirë. Në pjesën e dytë kemi bërë më shumë se Manchester Unitedi, kemi provuar vazhdimisht. Në fund merituam fitoren”, theksoi tutje Shaqiri.

Liverpooli vazhdon në pozitën e parë në ligë me 45 pikë, një më shumë se Manchester City.