Turizëm

Klosi: 6.7 milionë turistë kanë hyrë në Shqipëri këtë vit

Ministri i Turizmit dhe Mjedisit, Blendi Klosi, gjatë ditës së djeshme ka thënë se numri i turistëve të huaj në Shqipëri është rritur në krahasim me vitin e kaluar.

I ftuar në një studio televizive, Klosi tha se “ne duhet të kemi një lloj krenarie, se në krahasim me vendet e rajonit po ecim shumë shpejt”. “Duke u rritur numri, rritet edhe kërkesa për të rritur çmimet, për t’u bërë vend më atraktiv”, tha ai, transmeton ATSH.

Ndërkaq, gjatë ditës së djeshme, të dhënat nga INSTAT kanë treguar për rritje të numrit të turistëve.

Siç raportuan mediat në Shqipëri, duke iu referuar të dhënave, në Shqipëri është rritur edhe numri i turistëve nga Zvicra, përcjell albinfo.ch.