Lajme
Klubi i shahut “Arbëria”, në ligën e Landit të Vjenës (Wiener Landesliga)
Klubi „Arbëria“ në sezonin e ardhshëm do të garojë në Ligën e Landit të Vjenës, e cila është liga më e lartë në krahinën e Vjenës.
Edhe një lajm i mirë sportiv për dashamirët e shahut. Ditë më parë Federata e Shahut e Vjenës (https://www.chess-vienna.at/) mori vendimin që, duke pasur parasysh sukseset e njëpasnjëshme: ngritjen për katër kategori në vetëm 7 vjet ekzistimi, t’i ofrojë klubit „Arbëria“ që në sezonin e ardhshëm të garojë në Ligën e Landit të Vjenës, e cila është liga më e lartë në krahinën e Vjenës. Kjo ligë është një kategori më lartë se liga e parë e Vjenës, aty ku klubi shqiptar do të duhej të garonte këtë sezon, për faktin se në sezonin e kaluar u shpall kampion në ligën e dytë të qytetit të Vjenës.
„Ky është suksesi më i madh ekipor i një klubi sportiv shqiptar në diasporë, duke ditur se Liga e landit të Vjenës është ekuivalente me ligën e dytë të shahut në Austri, këtij shteti me rreth 9 milionë banorë”, shkruan në njoftimin e klubit “Arbëria”, e përcjell Albinfo Austria
Këtij suksesi duhet shtuar edhe të dhënën se pas përfundimit të kampionatit të shahut për sezonin 2019/2020, edhe ekipi i dytë i klubit „Arbëria“ u shpall kampion në ligën e katërt të Vjenës (2. Klase) dhe nga sezoni i ardhshëm do të luajë një rang më lart, në ligën e tretë të Vjenës.
Pas organizimit të turneut ndërkombëtar ‘‘Arbëria 1” në Vjenë, në tetor të vitit të kaluar, e në të cilin morën pjesë 57 shahistë e shahiste nga 14 kombe të botës, klubi i parë shqiptar i shahut në diasporë po përmbyll kështu me sukses të shkëlqyeshëm këtë sezonë sportiv dhe po nis përgatitjet për sezonin e ri 2020/2021.
“Shfrytëzojmë nga rasti që të falënderojmë dhe përgëzojmë të gjithë lojtarët e klubit, kryesinë, sponsorët dhe mbështetësit tanë për këtë të arritur madhështore!”, thuhet tutje në njoftim.
E-Diaspora
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër