Koronavirusi: çast pas çasti

Koch: 280 të sëmurë nga koronavirusi mbahen në jetë me respiratorë

"Duhet të imagjinoni: Janë 280 pacientë që luftojnë për jetën e tyre dhe qindra infermierë që kujdesen për ta"

Daniel Koch, Shefi i sektorit të Sëmundjeve të Bartshme në BAG, në konferencën e sotme për media, të mbajtur në Bernë, ka dhënë një lajm dramatik: “Këtë mëngjes kemi regjistruar 13.251 raste të testuara pozitivisht dhe 235 vdekje nga koronavirusi.

Por unë do të doja të vija theksin në në segment tjetër, për të cilin deri më tani nuk kemi dhënë njoftimi: Aktualisht janë 280 pacientë të lidhur për aparatet e frymëmarrjes (respiratorë), transmeton albinfo.ch. Ky është një numër i madh për Zvicrën. Duhet të imagjinoni: Janë 280 pacientë që luftojnë për jetën e tyre dhe qindra infermierë që kujdesen për ta”.

Koch ka theksuar më tutje: “Aktualisht asnjë njësi e kujdesit intensiv nuk është e mbingarkuar, të gjitha kanë ende kapacitete për të punuar, përcjell albinfo.ch. Pra ka kapacitet që më shumë persona të mbahen me respiratorë. Sigurisht, shpresojmë që popullsia të vazhdojë të sillet në mënyrë të disiplinuar.

Qëllimi ynë është që sa më pak njerëz që të jetë e mundur të kenë nevojë për trajtim mme respiratorë”.