Kompania amerikane shpërblen punëtorët me 1 mijë dollarë

Kompania amerikane e linjave ajrore “JetBlue” u kanë dhënë shpërblim punonjësve të saj 21 milionë dollarë, për shkak të shkurtimit të taksës së korporatave.

Kështu, të gjithë 21.000 punonjësit e linjës ajrore do të marrin shpërblim prej 1.000 dollarësh, me përjashtim të drejtorëve dhe zëvendëspresidentëve ekzekutivë.

Linja ajrore tha se shpërblimet do të aplikohen për anëtarët e ekuipazhit të punësuar deri më 31 dhjetor 2017, dhe ato do të paguhen deri në fund të shkurtit, shkruan ‘Scan’.

Republikanët në Kongres dhe presidenti amerikan, Donald Trump miratuan një ligj të ri muajin e kaluar që ul normën e tatimit në korporata nga 35% në 21%, përcjell albinfo.ch.

Linjat ajrore të tjera kanë njoftuar shpërblime të ngjashme. “American Airlines (AAL)” ka deklaruar më herët se edhe ajo po shpërblen me 1,000 dollarë 130,000 punonjësit e saj. Po ashtu edhe “Southwest Airlines (LUV)” tha se po shpërblen me 1,000 dollarë çdo punonjës me kohë të plotë dhe me kohë të pjesshme.