Kompanitë zvicerane të sigurimeve shëndetësore refuzojnë të paguajnë për trajtime të caktuara

pixabay

Sipas një raporti nga transmetuesi publik SRF, disa operatorë sigurimesh në mënyrë të përsëritur refuzojnë të miratojnë kostot për kujdesin mjekësor ose testet laboratorike, ndonjëherë duke mos ofruar asnjë justifikim për mohimin, transmeton albinfo.ch.

Duke qenë se sigurimi shëndetësor është i detyrueshëm në Zvicër, duhet të paguhen shpenzimet për trajtimin dhe mjekimet e urdhëruara nga mjekët.

Një mjek, onkologu Marco Siano, tha për SRF se ai e ka parë këtë në praktikën e tij.

“Kam përjetuar herë pas here që kërkesa pothuajse identike për kosto vlerësohen krejtësisht ndryshe nga siguruesit e ndryshëm shëndetësorë. Kjo më tregon se sistemi nuk po funksionon”, tha ai.

Një zëdhënës i Zyrës Federale të Shëndetit Publik (BAG), e cila mbikëqyr kompanitë e sigurimeve, tha se është në dijeni të këtyre refuzimeve.

Ajo dëshiron të shqyrtojë kriterin për “trajtim të barabartë të të siguruarve”, si pjesë e auditimeve vjetore të kompanive të sigurimeve shëndetësore. /Albinfo.ch