Kompensohen viktimat e masave të “përkujdesjes” pa gjyq

Deri në vitin 1981 ka qenë e mundur që njerëzit të mbyllen, izolohen edhe pa një vendim gjyqësor ose pa ndonjë ekspertizë

Në Zvicër janë në mes 10.000 deri 15.000 njerëz që konsiderohen viktima të masave shtrënguese  të ashtuquajtura të përkujdesjes. Personat e parë nga kjo kategori tashmë kanë marrë kompensimin në të holla nga fondi për ndihmë të menjëhershme për viktimizimin e pësuar.

Bëhet fjalë për shumat nga 4.000 deri 12.000 franga për person ndërsa shuma përcaktohet nga gjendja financiare he nevojat e atyre që kanë bërë kërkesën.

Ndihmat e menjëhershme u takojnë atyre personave që kanë pësuar nga një masë shtrënguese e shqiptuar para vitit 1981. Fjala është për ata të cilëve në këtë mënyrë u është shkelur integriteti personal dhe që sot ndodhen në gjendje të rëndë financiare.

Fondi për ndihmë të menjëhershme nuk paguan dëmshpërblim por tregon një lloj solidarizimi me personat e prekur dhe që gjenden në situatë të vështirë.  Për një kompensim të mirëfilltë mungon baza ligjore, shkruan srf.ch

Deri në vitin 1981 ka qenë e mundur që njerëzit të mbyllen, ngujohen edhe pa një vendim gjyqësor ose pa ndonjë ekspertizë. Kjo është praktikuar për personat e cilësuar si të tillë që nuk e duan punën ose raste të tjera të ngajshme.