Shkurt.ch
Komuna zvicerane ndalon koncertin e këngëtarit nacionalist nga Serbia
Sipas autoriteteve, mbajtja e koncertit do të përbënte rrezik për sigurinë. Për të ardhur në këtë konstatim, komuna është mbështetur në rekomandimet e Policisë Kantonale të Aargaut
Komuna Aarburg e Kantonit Aargau ka ndaluar koncertin e planifikuar për 10 shtator të këngëtarit nacionalist nga Serbia Mirko Pajcin. Këshilli Komunal ia ka tërhequr lejen e dhënë më parë organizatorit, një shoqate kulturore serbe nga Bazeli, për mbajtjen e koncertit në fjalë, shkruan BZ Basel.
Sipas autoriteteve, mbajtja e koncertit do të përbënte rrezik për sigurinë. Për të ardhur në këtë konstatim, komuna është mbështetur në rekomandimet e Policisë Kantonale të Aargaut, përcjell albinfo.ch. Këngëtari 49 vjeçar Pajcin me emrin artistik “Knindza” (një aluzion në një njësit paramilitar serb) ka rënë në sy, së paku në një kohë të mëhershme me këndimin e këngëve nacionaliste dhe të radikalizmit të djathtë. Veç tjerash ai ka himnizuar krimet serbe gjatë luftës së Kroacisë nga viti 1991-1995.
Sigurisht, organizatorët janë dëshpëruar nga kjo ndalesë, shkruan bz. Kryetari i shoqatës ka vërtetuar se “Knindza” më parë ka kënduar këngë me përmbajtje nacionaliste, por ai tashmë ka ndryshuar. “Sot ai këndon para së gjithash këngë gazmore”. Ai është i bindur se Pakcin në Aarburg nuk do të këndonte asnjërën nga këngët e tij të vjetra.
Ngjashëm me këtë rast ka ndodhur javën e kaluar me koncertin e paralajmëruar të rokerit nacionalist kroat Marko Perkovic dhe bendit të tij “Thompson”, transmeton albinfo.ch. Firma që shet bileta “Starticket” ka njoftuar se ka ndërprerë shitjen e biletave, për shkak të reaksioneve negative.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Qindra studentë protestuan para Universitetit të Lozanës
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut