Komuniteti Shqiptar i Gjenevës anulon kremtimin e Festës së Flamurit

Në një njoftim të dërguar në adresën e redaksisë sonë, Komuniteti Shqiptar i Gjenevës bën të ditur se ka hequr dorë nga kremtimi i Festës së Flamurit, që ishte caktuar të bëhej më 30 nëntor.

“Pas mbledhjes urgjente që mbajti Këshilli organizativ për përgatitjen e Festës së Flamurit, me keqardhje ju informojmë se vendimi unanim është që kremtimi i Festës së Flamurit, i paraparë për këtë të shtunë, më 30 nëntor 2019, në sallën në Avanchet, do të ANULOHET !
Anulimi ka të bëjë me fatkeqësinë që ka pllakosur Shqipërinë, si shenjë e solidaritetit me të goditurit.
Kjo festë nuk do të mbetet e pashënuar, por do të zhvendoset për ndonjë datë tjetër”, thuhet në njoftimin e Komunitetit Shqiptar të Gjenevës.