Lajme
6 vjet e 2 muaj burgim për zviceranin që ka plagosur rëndë kosovarin
39-vjeçari zviceran, i bezdisur nga zhurma e të rinjve në oborr te shkollës ka qëlluar me armë drejt tyre, me ç`rast ka plagosur një kosovar 21 vjeçar
![](https://www.albinfo.ch/wp-content/uploads/2016/08/sturmgewehr-574x396.jpg)
Personi që ka qëlluar me pushkë një të ri në një kënd lojrash në Ebikon LU është fajtor për tentim vrasjeje të qëllimtë dhe dënohet me 6 vjet e 2 muaj burg, transmeton albinfo.ch. Gjykata kantonale e Lucernit ka konfirmuar aktgjykimin e gjykatës penale, është bërë e ditur sot.
39-vjeçari zviceran duke vëzhguar të rinjtë në oborrin e shkollës aty afër nga ballkoni i tij në vitin 2017, qe ndier i bezdisur nga zhurma e tyre, shkruan sda.ch.
Pastaj ai ka nxjerrë armën e ushtrisë, një pushkë automatike, e ka mbushur, e ka drejtuar në drejtim të grupit prej rreth dhjetë të rinjsh nga një distancë prej 50 metrash dhe ka tërhequr këmbëzën, trasnmeton albinfo.ch. E shtëna ka goditur në pjesën e sipërme të trupit një kosovar atëherë 21-vjeçar dhe e ka plagosur rëndë.
Në fund të vitit 2021, Gjykata Penale e kishte dënuar autorin me 6 vjet e 2 muaj burg për vrasje të mbetur në tentativë dhe rrezikim të shumëfishtë të jetës.
Kundër këtij vendimi i akuzuari u ankua, duke e cilësuar aktin si aksident. Avokati i tij kërkoi dënim me kusht me dy vjet burg për lëndim trupor nga pakujdesia
Megjithatë, ashtu si për gjykatën penale, edhe për gjykatën kantonale, paraqitja e incidentit si një zinxhir rrethanash fatkeqe është vetëm një pretendim mbrojtës. Sipas gjykatës së lartë, i akuzuari ka marrë armën, e ka bërë gati për të qëlluar dhe ka marrë vendim që të gjuajë në “burimin e zhurmës”, shkruan në aktgjykim, përcjell albinfo.ch. Ai ka shënjestruar njerëzit dhe ka shtënë drejt tyre.
Gjykata Kantonale e klasifikoi aktin si “të ulët”, por edhe si “spontan” dhe si “veprim të menjëhershëm”. I akuzuari kishte përjetuar stres në punë dhe jetë private dhe kishte pirë alkool. Edhe pse ai e banalizon aktin e tij, dorasi ka qenë bashkëpunues në procesin hetimor.
Kështu, atij i konfirmohet dënimi prej 6 vjet e dy muaj burg. Veç kësaj, i akuzuari duhet t’i paguajë viktimës një dëmshpërblim prej 25.000 frangash.
Aktgjykimi i Gjykatës Kantonale nuk është ende i plotfuqishëm.
Të ngjashme
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n