Kosova
Konsulli Kastrati përfundon misionin në Zvicër
Shefi i Misionit Konsullor në Cyrih, Sami Kastrati, para se të largohet nga misioni diplomatik në Zvicër, organizoi një mbrëmje lamtumirëse për stafin e tij, miqtë zviceranë dhe bashkatdhetarë të shumtë në restoranin La Perla në Argau.
Pas katër vjet e gjysmë shërbim në Cyrih, që është Misioni më i madh i Republikës së Kosovës në botë sa i përket ofrimit të Shërbimeve Konsullore, diplomati kosovar do të vazhdojë misionin e tij në Ministrinë e Punëve të Jashtme dhe Diasporës të Republikës së Kosovës si Udhëheqës i Komunikimit.
Kastrati largohet nga Zvicra, duke lënë mbrapa një marrëdhënie miqësore me shtetin zviceran. Ai merr me vete kujtime shumë të mira dhe pozitive, por edhe me një respekt si nga miqtë zviceranë, ashtu sikur edhe nga komuniteti i këtushëm shqiptar.
Kastrati falënderoi në këtë mbrëmje përshëndetëse të gjithë për bashkëpunimin të shkëlqyeshëm, e partnerët zviceranë për rezultatet shumë të mira të arritura në bashkëpunimin ndërmjet Konferderatës së Zvicrës dhe Kosovës.
Fjalë të mira për punën e diplomatit kosovarë kanë adresuar në këtë mbrëmjë disa nga të pranishmit, si gazetari Enver Robelli, politikani Gadaf Muharremi, juristi Orhan Spahiu, doktori Mentor Bilalli, afaristi Qamil Isufi etj.
Për punën dhe angazhimin e tij të shkëlqyeshëm në shtetin helvetik folën edhe investitorë zviceran në Kosovë dhe homologë diplomat që përfaqësojnë shtetet të tjera në Konfederatën e Zvicrës.
Në vazhdën e takimeve përshëndetëse diplomati kosovar është nderuar edhe me mirënjohje të ndryshme, si nga Rrjeti i Bizneseve Shqiptare në Zvicër, nga ansambli “TROJET” etj.
Ende nuk dihet se kush do të jetë shefi i ri i Misionit Konsullor në Cyrih.
E-Diaspora
-
Vildane Rexhepi, menaxhere prokurimi në IT-në e bankës UBS Ka mbaruar me sukses studimet për ekonomi në disa universitete të njohura dhe tani menaxhon projektet...
-
Shqipëria, pjesë e paradës së karnavaleve në Berlin
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
Jeta në Zvicër
-
Pritet trafik i rënduar në rrugët e Zvicrës këtë fundjavë Ndërsa shoferë të shumtë po nisen për fundjavën e gjatë të Rrëshajëve, përgatituni për një volum...
-
Vildane Rexhepi, menaxhere prokurimi në IT-në e bankës UBS
-
Alain Berset kaloi një javë pune të frytshme në Shqipëri
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë