Kopenhagë: Vijon shpërndarja e teksteve mësimore në shkollat ku fëmijët mësojnë gjuhën amtare

Po vazhdon shpërndarja e teksteve mësimore në shkollat ku fëmijët mësojnë gjuhën amtare në Kopenhagë, shkruan albinfo.ch.

Ambasada e Shqipërisë në Danimarkë shpreh mirënjohje për përkushtim dhe për mbështetje për nxënësit dhe mësuesit që me pasion e punë këmbëngulëse mbajnë gjallë në brezat e rinj gjuhën dhe kulturën tonë, Kumrije Isaki Sabri Ibisi, Nevzat Kjamilji, Mirditë Limani Ademi, Shkolla Shqipe Kopenhagen, Leonora Aliu.

Ambasadori i Shqipërisë në Danimarkë, Sokol Dedja, së bashku me drejtuesin e Konsullatës së Kosovës, Valdrin Grainca, shpërndanë në klasat e gjuhës shqipe në Kopenhagë tekstet e njësuara ‘Gjuha Shqipe dhe Kultura Shqiptare’ dhe u njohën nga afër me procesin mësimor, nxënësit e përkushtuar dhe mësuesit e palodhur.

Ministria për Evropën dhe Punët e Jashtme – Republika e Shqipërisë