Kosova
Kosova e Gjermania vazhdojnë të shkëmbejnë nxënës e mësimdhënës
Ai falënderoi të gjitha familjet vullnetare që kanë strehuar nxënësit në Gjermani dhe në Kosovë
Kryeministri i Kosovës, Ramush Haradinaj ka nënshkruar Memorandum të Mirëkuptimit në fushën e arsimit dhe këmbimit të nxënësve dhe studentëve, ndërmjet Qeverisë së Kosovës dhe organizatës gjermane “Education Unlimited a.V.”.
Haradinaj u shpreh i gatshëm të ndihmojë edhe më tutje arsimin në vend. “Jam i lumtur që po nënshkruajmë këtë memorandum mirëkuptimi, një tjetër hap i përkushtimit tonë për t’i dhënë përkrahje arsimit në vend. Në baza vullnetare është nis ky projekt, që nga viti 2014 e deri më sot kanë përfituar mbi 120 nxënës nga gjitha vendet e Kosovës”, tha ai, raporton “EkonomiaOnline”.
“Falë këtij projekti, Kosova, fëmijët tanë, nxënësit, mësimdhënësit kanë përfituar mundësi më shumë për të këmbyer njohuri dhe përvoja. Falë këtij programi kemi pranuar mësimdhënës gjerman dhe kanë ardhur në Kosovë për herë të parë dhe kosovarët kanë shkuar në vendet evropiane”, tha Haradinaj, përcjell albinfo.ch.
Ai falënderoi të gjitha familjet vullnetare që kanë strehuar nxënësit në Gjermani dhe në Kosovë.
“Qeveria duke nënshkruar memorandumin është zotuar se do ta mbështesë deri në fund këtë program”.
Haradinaj tha se ky memorandum është për një etapë pesë vjeçare, por për të me dëshirë do të ishte që të vazhdonte gjithmonë ky lloj bashkëpunimi.
Kryetarja e “Education Unlimited a.V.”, Kerstin Zielosko Labonte tha se ky bashkëpunim është i frytshëm për të gjitha vendet pasi këmbehen njohuritë dhe studentët vizitojnë vendet e ndryshme.
Ajo shpreson se ky lloj i bashkëpunimit të vazhdoj më tutje pasi që kjo ndihmon që studentët të marrin diçka nga vendet evropiane dhe ato njohuri t’i sjellin në vendlindjet e tyre.
Të ngjashme
Të tjera nga Kosova
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike