Lajme
Kosova e Shqipëria me Konsullatë të përbashkët në Munih
Nga dita e sotme, Kosova dhe Shqipëria do të funksionojnë së bashkë, në Konsullatën e Munihut
Nga dita e sotme në Konsullatën e Republikës së Kosovës në Munih të Gjermanisë, do të kenë qasje edhe qytetarët e Republikës së Shqipërisë. Kjo u bë e mundur pas një bashkëpunimi bilateral ndërmjet Ministrisë së Jashtme të Kosovës dhe asaj të Shqipërisë që në disa konsullata të punojnë bashkërisht përfaqësuesit e dy shteteve.
Sipas një njoftimi për media, Kosova ka mirëpritur Shqipërinë në Munih, ndërsa objektin e përbashkët të konsullatës e kanë promovuar Ministri kosovar i Punëve të Jashtme, Enver Hoxhajt dhe homologu i tij shqiptar, Ditmir Bushatit, si dhe ministrja për Çështje Evropiane e Bavaraisë, Beate Merk. Në përurimin e konsullatës Kosovë-Shqipëri në Mynih, ka marrë pjesë edhe Rifat Jashari nga familja Jashari.
Në fjalën e tij, Hoxhaj e ka falënderuar Rifat Jasharin për praninë duke thënë se pa sakrificën e familjes Jashari, asgjë nuk do të ishte e mundur, as shteti i Kosovës e as Konsullata e Përbashkët.
“As unë si ministër i Jashtëm i Kosovës, as ministri i Jashtëm i Shqipërisë, por askush tjetër nuk do të ishte këtu në këtë konsullatë pa rolin dhe kontributin e Bacës Rifat dhe familjes Jashari. Këto janë dëshmia më e mirë se sa rrugë të gjatë kanë bërë shqiptarët, edhe në Kosovë edhe në Shqipëri për ta bërë një shtet të pavarur të Kosovës, që ka qenë projekt i krejt shqiptarëve, edhe të Kosovës edhe të Shqipërisë. Ne do të hapim edhe ambasada e konsullata të përbashkëta, por prania e Bacës Rifat i jep një kuptim tjetër kësaj konsullate” ka thënë Hoxhaj.
Ministri Bushati ka falënderuar ministrin Hoxhaj për mundësinë që edhe Shqipëria të përfaqësohet nga sot me shërbime konsullore në Konsullatën e Përbashkët duke paralajmëruar edhe aktivitete të ardhshme të këtij karakteri.
Nga ana e saj, ministrja e Bavarisë për Çështje Evropiane, Merk ka falendëruar të pranishmit dhe është shprehur e lumtur që në Bavari po hapet një konsullatë e përbashkët Kosovë-Shqipëri e cila do të jetë promotor edhe i bashkëpunimit në shumë fusha të tjera ndërmjet këtyre dy vendeve dhe Bavarisë.
Në përurimin e konsullatës kanë marrë pjesë shumë qytetarë nga Kosova dhe Shqipëria që jetojnë në Bavari dhe personalitete të rëndësishme gjermane të jetës publike. Janë paralajmëruar edhe hapja e konsullatave të përbashkëta në Danimarkë dhe Turqi, ndërsa më herët është hapur në Milano dhe Bari.
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla